O outono é tempo para a observación de aves na Ría de Betanzos, a Ría do Burgo, o Encoro de Cecebre e outros puntos da Reserva. Garzas garzotas, biluricos, virapedras, pilros e outras especies están a regresar para pasar a estación invernal entre nós. Os humidais, ríos, encoros e a costa agreste énchense de vida. Un espectáculo que nos regala a natureza. Os observatorios de aves da nosa Reserva están a esperarche. Na foto vese o miradoiro de aves de Souto no concello de Paderne. Construído en madeira atópase en plena ría de Betanzos, na desembocadura do río Mandeo. Aquí o río saúda ao Océano Atlántico.
