Centro de visitantes Reserva de Biosfera

Este edificio, que albergaba a antiga Casa Rectoral de San Tirso de Mabegondo, é agora o centro administrativo da Asociación Mariñas-Betanzos, entidade encargada da xestión da Reserva de Biosfera Mariñas Coruñesas, que ten como propósito final poñer en valor o territorio dos seus dezaseis concellos: Abegondo, Aranga, Arteixo, Bergondo, Betanzos, Cambre, Carral, Coirós, Culleredo, Curtis, Irixoa, Miño, Oleiros, Oza – Cesuras, Paderne, Sada e Sobrado; promovendo a mellora da calidade de vida da poboación local a partir da posta en valor do patrimonio natural, cultural e etnográfico, así como o fomento da cohesión social.

Esta sede forma parte da Rede de Centros de Interpretación da Reserva de Biosfera Mariñas Coruñesas, un conxunto de espazos destinados á divulgación e conservación do patrimonio natural, cultural e etnográfico desta Reserva de Biosfera.