Actuacións de promoción e difusión do pan de Carral con degustación de produtos da Reserva de Biosfera

Feira do Pan de Carral 2026

Esta acción de animación e difusión da Estratexia de desenvolvemento local está dirixida á poboación local, así como da Comunidade Autónoma, resto de España e outras nacionalidades co obxectivo de dar a coñecer e promocionar un dos máis destacados produtos alimentarios do territorio de Mariñas-Betanzos.

Tamén son destinatarios deste proxecto os produtores alimentarios do territorio de Mariñas-Betanzos, así como o sector da restauración, empresas de actividades e de interpretación turística, guías oficiais de turismo de Galicia que traballan no territorio e as axencias de viaxe locais que queiran promocionar as producións alimentarias do territorio.

Este proxecto consiste no servizo de instalación e xestión dun posto de degustación de produtos do territorio Mariñas-Betanzos e da Reserva de Biosfera Mariñas Coruñesas durante a Feira do Pan de Carral 2026, durante dúas xornadas completas (sábado 9 de maio e domingo 10 de maio) en horario de mañá e tarde.

Cartel Leader: Actuacións de promoción e difusión do pan de Carral con degustación de produtos da Reserva de Biosfera