Este ano 2021 teñen concretadas dúas escapadas, a de setembro e en outubro una de sendeirismo pola Espenuca, con visita a plantacións de té ecolóxico, un roteiro polo monte Xalo, visita ao mosteiro de Sobrado e a Ciadella. Estas dúas experiencias turísticas son comercializadas tamén por unha axencia da zona da Reserva, en Carral.
A Reserva de Biosfera tamén destacou que os campamentos astronómicos Albarari en Oleiros e en Sanxenxo acaban de recibir a certificación da Fundación Starlight, que recoñecen a súa faceta divulgativa sobre a astronomía nas súas burbullas-hotel.
A Biosfera pretende ofertar paquetes de escapadas turísticas no verán e no outono. A Reserva actualmente está a impartir formación aos empresarios turísticos da zona para capacitar en calidade e sustentabilidade pero tamén para impulsar novas propostas e experiencias en ecoturismo para o territorio para incluír o próximo ano no Club de Ecoturismo de España.
