A Asociación de Desenvolvemento Rural Mariñas - Betanzos está desenvolvendo distintas actuacións dentro do Eido do Ecoturismo entre elas: Entidade Xestora do Xeodestino “As Mariñas”; Plan de Sustentabilidade Turística en Destino; Axudas Deputación da Coruña para entidades de xestoras de destino turístico; Proxectos co Club Ecoturismo de España.
Debido ao número de actuacións e proxectos a executar no ámbito turístico, convócase un proceso selectivo para unha praza de Auxiliar de Apoio na dinamización de proxectos de turismo.
Nome da praza: Auxiliar de Apoio na dinamización de proxectos de turismo.
Forma de contrato: contrato laboral a tempo completo.
Acceso: Proceso selectivo segundo as bases establecidas.
Difusión e divulgación:
- A convocatoria publicarase no taboleiro de Anuncios da Asocicación Mariñas – Betanzos.
- A oferta anunciarase a través de prensa nun xornal da provincia da Coruña.
- Publicarase tamén na web da Asociación Mariñas-Betanzos: https://www.marinasbetanzos.gal
Solicitudes: As persoas que desexen participar neste proceso de selección, deberán presentar a súa solicitude segundo o modelo recollido no ANEXO I, así como o resto de documentación nun sobre pechado.
- Coa finalidade de centralizar a recepción de documentación, as solicitudes entregaranse no rexistro da Asociación Mariñas Betanzos, en San Marcos, s/n - 15.318 Abegondo (A Coruña), dirixidas á Presidencia da Asociación, ou ben por correo postal certificado que reflicta a data de entrega en Correos.
Prazo para a presentación de solicitudes: o prazo de presentación de solicitudes e a documentación requerida para optar á praza será de dez días naturais contados desde o día seguinte ao da publicación do anuncio na páxina web da Asociación Mariñas – Betanzos (prazo de presentación: dende o 05 de decembro de 2023 ás 0:00 h ata o 14 de decembro de 2023 ás 23:59 h.).
Procedemento de selección:
O procedemento de selección consistirá en 4 Fases:
FASE I: VALORACIÓN DE MÉRITOS SEGUNDO ANEXO I DAS PRESENTAS BASES.
FASE II: PROBA DE COÑECEMENTOS MEDIANTE PROBA ESCRITA (ATA UN TOTAL DE 80 PUNTOS).
FASE III: ENTREVISTA PERSOAL (ATA UN MÁXIMO DE 20 PUNTOS).
FASE IV: XUSTIFICACIÓN DO COÑEMENTO DA LINGUA GALEGA.
En Abegondo, a 04 de decembro de 2023.
